ABANYESHURI BIGA MU KIGO CY’AMASHURI CYA ESBF BIBUTSE KUNSHURO YA 18 GENOCIDE YAKOREWE ABATUTSI MU MWAKA W’ 1994

Abanyeshuri biga  mu ishuri rya ESBFriherereye mu murenge wa Gisenyi akarere ka Rubavu bibutse ku nshuro ya 18 genocide yakorewe abatutsi mu mwaka w’1994 uyu muhango wabimburiwe n’urugendo rwatangiriye mu mugi wa Gisenyi rwerekeza ku rwibutso rwa Gisenyi ahahoze hitwa commune rouge mu gihe cya genocide,aba banyeshuri bakaba banasobanuriwe impamvu bahise  commune rouge n’uburyo abatutsi bahashiriye bababeshya ko bagiye kuhabakiriza.

Abanyeshuri biga mu kigo cy’amashuri cya ESBF bibutse genocide yakorewe abatutsi ku nshuro ya 18 n’umuhango witabiriwe n’abanyeshuri baturutse impande zose hakozwe urugendo rukaba rwatangiriye ahahoze  gare ya Gisenyi berekeza ku rwibutso ahahoze hitwa commune rouge.Kabanda Innocent uhagarariye Ibuka mu Karere ka Rubavu yagarutse ku mateka yaranze  iyi commune rouge ko babeshyaga abatutsi ko bagiye kubakiza nabo bakiyumvisha ko ibyo bavuze ari ukuri  maze babamarira ahangaha duhagaze.yanashimiye abanyeshuri bo mu karere ka Rubavu ko batarangwa n’ingengabitekrezo ya genocide abasaba gukomeza kugira iyo myitwarire myiza.

Naho  uhagarariye AERG Indatwa  mu kigo cya ESBF Nshizirungu Emannuel akaba yagize ati ;”tugomba Kwishyira hamwe ntihakagira ikidutandukanya  kuko nitwishyira hamwe nibwo tuzubaka icyizere cy’ejo hazaza kandi tukanahora  dusura  inzibutso tuzikorera, tukanahakorera isuku tuzirikana ko hashyinguwe abacu.”

Aba banyeshuri bakaba banateye inkunga  umwe mu bacitse kw’icumu bamuha Ihene ifite agaciro kangana n’amafaranga 25000frws bakaba banateye inkunga urwibutso  rwa Gisenyi dore ko ruri no kubakwa inkunga ingana n’amafaranga 50,000frws

                              Maisha Patrick/Rubavu